倪詩蓓撐莫旭秋壓力大

藝人倪詩蓓前晚盛裝打扮，以黑色短裙、胸前透紗Deep V微露事業線，為資深歌手莫旭秋的演唱會任特別嘉賓。二人於騷前受訪，指首度合作心情緊張，又互笠高帽大讚對方唱功。倪詩蓓對於今次受邀演唱，坦言好開心：「最近喺新加坡返嚟，囝囝大個咗就有番自己啲私人時間。（囝囝有嚟捧場？）唔會，因為佢有重度自閉症。」她謙稱演唱高難度的歌壓力甚大，並透露之後有機會會再公開演唱。