何佩瑜（抓）拍續集博翻生

藝人何佩瑜、莊思敏、林師傑、李思雅等與香港游泳代表隊泳手歐鎧淳、施幸余、江忞懿、鄭莉梅，昨日於赤柱一游泳池為無綫慈善節目進行泳賽接力。Jeana與歐鎧淳屬同隊，直言事前有練習，還請教對方游蛙式心得，她笑言：「平時我都係悠閒咁游，所以有啲壓力，好彩同歐鎧淳同隊，我哋講Team Work。」Jeana最近忙為邵氏網劇《飛虎之潛行極戰》宣傳，首次拍劇的她體驗到劇集出街的威力，獲不少觀眾叫其角色名字。提到劇集在內地點擊超過23億，九月再添食，她直言：「雖然我個角色會死，但可以有孖生姊妹嘅，依家都問緊續集有冇份，自己都好想拍多啲劇。」

歐鎧淳輕鬆游50米

雖然天氣轉涼，但久經訓練的歐鎧淳直言不覺池水冰冷，接力賽負責游50米，相當輕鬆。最近暫停娛樂圈工作的她，現專心備戰8月印尼亞運會，最快九月才重新投入工作，問到有傳她與男友胡子彤下年結婚？她否認：「唔係，都唔知邊度傳出嚟，其實大家都冇結婚計劃，依家係做嘢搏殺期。」

Jeana在《飛虎之潛行極戰》中，與吳卓羲有感情線。	一眾藝人與港隊泳手齊齊參與慈善泳賽。	積極備戰亞運的歐鎧淳，無故被傳婚訊。

莊思敏杜拜搵嫁妝

至於做司儀的莊思敏不用落水參加泳賽，她直言：「肥囉，啱啱同李居明師傅去咗杜拜拍嘢，喺嗰邊狂食肥咗五磅，天氣熱不停咁食雪糕，就嚟夏天要努力減肥。」早前莊思敏到杜拜的黃金街大開眼界，原本打算買金飾，儲定嫁妝，但因為時間緊迫未有所獲。

文：影視組