Celia K. Annie G.湊女失自由
曾在寫真界風靡少男的模特兒Celia K.（郭穎兒）與Annie G.（吳燕安），早年分別誕下囡囡Galia及Ariana榮升為模媽。談及當媽媽的轉變，二人異口同聲指「冇自由」！雖然Celia現懷有第二胎，但直言仍未習慣當母親，還呷囡囡醋說：「連老公都畀佢霸埋！佢好黐爸爸，依家老公攬住個女瞓先！我攬住個女會推開我，做媽媽真係偉大！」
而Annie表示湊女絕不假手於傭人，囡囡比較黐她，造成特別呵護的習慣：「我驚佢跌親，會捉實佢，係愈來愈大先開始放鬆。」相反，Celia認為「小朋友應該跌大」，反而着重教育方面：「我覺得聰明同品格係天生，只要善良唔學壞就可以。當然有適當嘅教育，但唔係怪獸家長。」而Annie表示希望囡囡接受澳洲教育，將來全家移民到當地生活。
Celia髮型：Mini G@Daniel