王浩信送獨立屋氹老婆
藝人王浩信變身「愛妻號」，昨日出席公開活動時，談到代囡囡送禮物給太太陳自瑤時，即笑咪咪謂：「呢樣好大件，就係買樓送畀佢！佢鍾意獨立屋，我會努力做嘢，希望今年成事，依家離目標愈嚟愈近。」由於獨立屋「入場費」動輒過千萬元，王浩信坦言「銀碼有限」﹕「呢啲價只會選擇將軍澳或西貢，同埋方便返工。（物業寫太太個名？）係！冇所謂。佢依家唔喺香港，出咗埠做嘢，所以今年唔能夠一齊慶祝母親節。」
活動上王浩信親身示範下廚，原來王爸爸亦堪稱廚神！王浩信笑說：「我哋係新疆人，爸爸對餃子及羊肉烹調都有一手，呢排我放緊假，同父母囡囡溝通多咗，發現屋企有好多飲食寶藏，會努力去跟爸爸學嘢，唔排除日後幫佢出食譜，母親節就同佢一齊氹吓媽咪。」他又透露與媽媽媽都有鼻敏感，故已送三合一空氣清新機作禮物。
