張敬軒撩貓玩：冇晒佢符！
張敬軒最近為手機品牌拍攝一系列廣告，廣告概念以動物特性聯繫手機功能，製作公司找來很多小動物跟他拍攝，有陸龜、貓、狗、倉鼠等，拍攝現場幾乎變成動物園。有養開貓狗的軒仔很開心：「隻貓係製作公司呢度養，可能佢慣咗成日見到好多唔同嘅人，所以可以任人抱，佢仲係太冷靜，我嗌極佢玩佢都唔願郁，真係冇晒佢符！」
拍攝前，他又上網搵陸龜的資料：「了解吓佢嘅特性，希望盡量唔好嚇親佢，不過去到現場我就畀佢嚇親，因為要抱上手，原來佢都幾有分量，好彩我喺屋企都有操吓手臂啫！」他笑言最驚畀巨型陸龜咬到，因為聽說龜咬人是好大力及好痛。