劉嘉玲一見鍾情買皇冠

劉嘉玲、李徐子淇、名模周汶錡、周麗淇、謝婷婷及梁詠琪等，昨晚齊齊盛裝出席於君悅酒店舉行的「卡地亞Résonances de Cartier晚宴」，晚宴還邀得格林美得主Bruno Mars擔任表演嘉賓，可謂星光熠熠！晚宴為慶祝品牌的Résonances de Cartier高級珠寶展在麗思卡爾頓酒店舉行，展示500件價值逾28億的珠寶！

與苗僑偉戚美珍飯敍

劉嘉玲提到前日在社交網上載一張戴上卡地亞皇冠的照片，她大讚其精湛工藝及極具投資價值，二話不說即買下收藏，據知該古董皇冠價值數千萬元，但嘉玲拒絕透露價錢：「尋（前）日試戴，已經買咗，好鍾意，唔講幾錢。（一見鍾情？）自己一向有留意特別嘅珠寶同藝術品，戴上去好似我嘅，就想擁有，買嘢係自己開心，呢個皇冠係1906年出品，好難得！」問到老公梁朝偉可有買珠寶？她笑說：「大家愛好唔同，佢鍾意女人戴珠寶，我係佢最靚嘅珠寶！（今次張單佢簽？）唔係，我哋獨立嘅，唔敢同佢講幾錢。（佢會唔會送珠寶畀你？）會，我係我嘅，佢嘅都係我嘅。」

嘉玲試戴過1906年的皇冠後一見傾心，大讚工藝精湛。	徐子淇透露會與奶奶及媽媽齊齊慶祝母親節。	放大圖片

提到日前與好友苗僑偉（三哥）及其太太戚美珍飯敍？嘉玲表示：「見到好多TVB舊同事同朋友，講番好多快樂事同辛苦事，修哥（胡楓）都好健康。（網友讚三哥Keep得好？）我都唔弱呀。」

放大圖片	（左起）卡地亞高級珠寶國際總監Chloe Jay、卡地亞北亞洲區域行政總裁陸慧全及卡地亞香港及澳門董事總經理胡興佩為晚宴揭開序幕。

李徐子淇關注童婚問題

李徐子淇則被問到將如何慶祝母親節？她表示會跟奶奶、媽咪食飯慶祝，並謂今年很大感觸：「之前做探訪，見到全球有好多18歲以下少女童婚，仲有埋BB，咁細個結婚會影響一生同讀書，好多個案係屋企好窮，嫁畀年長男人，仲要生埋BB，最後不幸過身。」故她認為母親節應該要關注童婚問題，至於會否帶子女去探訪活動？她表示：「會，同佢哋去柬埔寨，放假會做呢啲探訪，擴闊視野，畀佢哋睇吓人哋連水都冇。」講到老公李家誠會否在母親節送珠寶給她？她說：「佢未試過母親節送，應該都係食飯。（二女5月16生日，點慶祝？）同佢食蛋糕，小朋友唔使太物質，有得玩就得，不用太花巧。」又笑言不介意女兒早婚，過了法定年齡便可，亦期待抱孫。

文：專案組