於4年前自殺離世的荷里活笑匠羅賓威廉斯（Robin Williams），最近被爆死前被斷錯症，不知自己患上導致癡呆的路易體病，因拍戲時記不到對白，每日都失控爆喊！
羅賓於2014年吊頸自殺，終年63歲，震驚國際，當時有傳他因長期對抗帕金遜症與抑鬱而求死，但驗屍報告證實他患上路易體病（Lewy body disease），是一種導致癡呆的破壞性腦病。最近記者Dave Itzkoff推出羅賓傳記《Robin》，透露他死前拍攝電影《翻生侏羅館3：古墓的秘密》（Night at the Museum: Secret of the Tomb）時，經常忘記對白，他不知是受路易體病影響，搞到情緒崩潰！
羅賓的化妝師Cheri Minns透露：「佢日日收工都喺我懷中爆喊，真係好慘，好慘，我同佢嘅團隊講：『我係個化妝師，冇能力處理發生於羅賓身上嘅事！』」Cheri表示有鼓勵羅賓做棟篤笑重拾自信，羅賓卻非常「灰」地表示：「我唔可以，Cheri，我已經唔知點做，我唔知點樣先搞到笑。」
羅賓曾被診斷有帕金遜症，醫生曾告訴他預計會有10年身體正常的時間，羅賓亦一度積極抗病，不過原來一直被斷錯症，身心情況俱愈來愈差，最後走上令人傷心的不歸路。
文：外娛組