Twins冧勻母女 小Fans：未出世已鍾意！
Twins成員蔡卓妍（阿Sa）孖準新娘鍾欣潼（阿嬌），日前到成都為EP《花約》舉行簽售會，之前二人分別為拍攝電影、電視劇各有各忙，難得簽售會當日再度合體，當然要悉心打扮，阿Sa以一字膊花花上衣配闊褲，大騷鎖骨線條及纖腰，甜美又不失性感，而春風滿面的阿嬌就行簡約舒適風，穿闊身恤衫上陣，吸引過百名Fans到場支持，場面盛大！
在簽碟合照環節中，有一位專程由杭州趕到現場的媽媽Fans，帶同六歲小Fans女兒到來，當女兒跟Twins在台上聊天時，童言無忌說：「我未出世、在媽咪肚入面的時候，就已經鍾意你們了！」氹得二人眉飛色舞。其後，大會司儀問她們對成都的印象時，阿嬌說：「成都嘅朋友真係好熱情，我哋啱啱落機就有好多歌迷嚟接機。」而為食的阿Sa對成都美食念念不忘，又指特別鍾意打邊爐，不過看來二人不可以放肆大吃大喝，皆因即將要為美加巡迴演唱會作準備。