吳鎮宇揸正嚟做鬧到阿仔飛起

由吳鎮宇及古天樂擔正的電影《脫皮爸爸》上映在即，二人在戲中飾演父子，鎮宇由89歲演到19歲，當中有6個不同年紀的造型，包括化老妝扮89歲、晒肌演青年等，更有一幕有6個鎮宇一齊做對手戲！

演員辛苦過歌星

他坦言要互做對手戲不難，最辛苦是花4小時化老妝，再用一小時落妝，加上要戴頭套又要黐皺紋：「最麻煩係食唔到嘢，因為黐好多膠水。（再拍類似嘅戲？）如果係呢種化妝就唔好喇！用老妝拍戲，我前一晚唔會瞓，要Keep住對眼有老人家嘅神髓。」

談到仔仔Feynman客串飾演古天樂的童年，鎮宇笑說：「佢以為拍戲同做真人騷一樣，都係想做咩就做咩，哈哈！」雖然仔仔喜歡拍戲，但他寧願仔仔做歌手，亦好過做演員：「做歌星好似易啲，冇咁辛苦。做演員一係主角，一係配角，再唔係就係路人甲，但歌星就係歌星，就算冇演出都可以唱歌搵食。」不過，他強調以仔仔的學業為先，又笑指仔仔「自己收咗自己檔」：「佢依家肥咗，寧願玩遊戲機同睇卡通片多過拍戲。」

兩父子同在片場工作，問鎮宇可有特別照顧仔仔？他直言沒有，甚至「鬧到佢飛起」，因為要讓仔仔知道，工作時該有工作的表現：「要畀佢知道，做嘢係要做到為止，唔係要特別照顧佢。」

文：影視組

化妝：Kargo Leung

髮型：Joe Kwong

服裝：DEGAIA

場地：E-Max九展