千嬅笑點低床戲唔啱Feel
無綫新劇《多功能老婆》演員楊千嬅、黃浩然、陳庭欣及朱晨麗，昨晨出發到日本拍外景。千嬅相隔17年再拍無綫劇，受訪時表示沒有不習慣，日前已與眾演員圍讀劇本。她與黃浩然飾演夫妻，笑言第一場戲就是拍「床戲」：「夫妻實有同床，講我哋啱啱起身，同埋係電視尺度，好輕微啫！同黃浩然再合作幾好，大家成熟咗，唔會唔自然、唔尷尬，OK o架！」她又透露出發前有送兒子上學，笑說：「個仔都小學，唔會唔捨得我。」
帶朱晨麗日本掃貨
而朱晨麗大讚與千嬅圍讀時氣氛很好：「一齊做嘢最緊要直接，同埋心理質素好，大家由陌生人開始認識要互相包容，最緊要開心。」首次去日本的她又笑指要靠千嬅帶路Shopping：「開頭有啲擔心一開工就要同千嬅拍閨蜜戲份，圍讀咗大家熟絡啲。千嬅好好笑、好可愛、好得意，笑點好低！佢成日笑令氣氛好好，我都冇咁緊張，不過就要練忍笑，排戲有時都笑到標眼水。」
至於黃浩然笑言與千嬅圍讀「床戲」劇本時，原本要有甜蜜感覺，排練時卻變得搞笑，他說：「千嬅一撻着咗就收唔到，不過呢個都係佢嘅賣點，佢成日都笑，係好開心嘅人，正能量好豐富！」而陳庭欣透露在東京會與千嬅拍攝浸溫泉戲，但着重感覺，不需性感。