林雪抽渣渣輝水：明串你！吹呀！

東網巨星節目新一集邀請了《低壓槽》導演張家輝偕同演員張繼聰及林雪接受訪問，雖然新片題材是一部警匪動作片，但面對住張家輝、張繼聰及林雪三位男星，腦海中總是浮現出幽默及搞笑的味道！作為導演的張家輝分別出題考驗兩位演員，叫他們扮演與母親吃晚飯中的小學六年級學生，並需要包含「我好懷念罪犯嘅味道」這句對白。林雪的演繹相當生鬼，還在張家輝面前以「渣渣輝」抽水，他說：「尋日睇咗套電視劇，嗰啲罪犯着啲衫好似『渣渣輝』。（今日有冇學英文？）有，老師叫我串Cat，我串咗Teacher，佢話『你串我呀？』，我話『係，明串你！吹呀！我媽媽係渣渣輝』，然後我好懷念渣渣輝有罪犯嘅感覺。」雖然內容無厘頭，但引得張家輝捧腹大笑！