龐景峰飛天潛水女友險瀨尿！
藝人龐景峰（Andrew）與圈外女友Peggy拍拖以來一直甜蜜蜜，兩人早前結伴到泰國旅行，除了吃喝逛街，又大玩刺激玩意。兩人到了商場內的水族館與鯊魚潛水，曾自爆對游水有陰影的Andrew笑言：「唔係喺海，喺魚缸入面會好啲。不過我之前有去考潛水牌，只係差筆試仲未考。」至於Peggy只試過浮潛，潛水則是第一次，當見到鯊魚在自己身邊游過時也有點心驚膽顫，同時又有很多遊客在魚缸外不停影他們，突然變成布景板，令二人啼笑皆非！
努力玩努力工作
潛水之外，他們又挑戰玩吊索，身上繫上安全帶，利用吊索由一棵樹高速飛到另一棵樹，對拍開動作片的Andrew來說只屬小兒科，不過，他卻爆女友大鑊：「佢驚到死，差啲驚到瀨尿！其實係我提議玩，因為我鍾意玩。」Peggy直認第一次玩的時候很害怕：「因為我好怕高速，我從來唔玩過山車，但第二次玩就冇咁驚，到習慣咗之後已經夠鐘冇得玩。」
拍拖之餘，Andrew亦努力工作，之前他連續拍了三部電影，而首張唱片將於8月推出，他說：「由去韓國做訓練生到依家，成隻碟可以話籌備咗4年，其實我張唱片好似本書咁，入面會有我嘅寫真，裏面有個QR Code下載晒啲歌。」
文：影視組