江嘉敏唔過電叫余德丞轉「姓」先

藝人黃智賢、江嘉敏、余德丞（Dickson）、徐榮與林韋辰等到九龍寨城公園拍攝無綫新劇《危城First Lady》，眾人在悶熱天氣下開工，身穿西裝的黃智賢不時抹汗及除褸抖涼，包到冚的林韋辰則帶備風扇開工。

因合作《誇世代》變好友的江嘉敏與Dickson今次有感情線，Dickson表示有不少體力勞動戲份，例如要划船撐嘉敏過河，笑言水流急加上嘉敏太重，泳手出身的他也周身骨痛！提到夠膽將搣女神陳瀅及嘉敏手臂的照片放上網，他笑說：「因為導演前兩日話叫佢哋喺一個位『Meet』，大家聽唔明呆晒，我就搞吓氣氛搣佢兩個囉！」笑言有被兩人的Fans鬧，但仍唔識死即場再搣嘉敏，但嘉敏笑言不會嬲，亦不怕傳緋聞，自嘲傳緋聞的都是姓王或黃，叫Dickson「轉姓」才有機會。

黃智賢熱到連西裝外套都除埋。	余德丞昨日示範搣江嘉敏，不怕傳緋聞。	林韋辰解暑有妙法，仲唔使拎風扇添！

聞住夜香談情呻苦

至於徐榮表示去年拍《大帥哥》拍到中暑，相比今次算輕鬆。提到與陳煒的感情線，他笑言相當「有味」：「陳煒要倒夜香，啲食物發酵味道好難聞，我哋就喺隔籬鬥氣，都幾深刻。」黃智賢則表示跟陳煒浪漫得多：「我哋會去河邊、廚房談情，但就冇親熱戲，民初戲冇呢啲。」提到日前上載被爆樽的片段，他表示被扑三次有打中額頭及顴骨，但沒有大礙。

另外，已為人父的徐榮最近在石門投資六位數搞教育中心生意，希望以特色興趣班吸引家長及學生，有信心很快回本。

文：影視組