林超賢陪彭于晏「破風」大髀抽筋索晒氣
台灣型男彭于晏（Eddie）與導演林超賢近年合作無間，繼《湄公河行動》、《破風》後，第三度合作英皇新片《緊急救援》。Eddie最近秘密在台灣踩單車練氣，林超賢亦特別抽時間「陪踩」，更笑對方踩上癮：「拍《破風》時佢日日喺香港練，踩單車踩上癮，加上喺台灣踩單車感覺一流，一路上山又可以喺靚cafe歎杯咖啡，一樂也！」
3個半鐘踩80公里
對於林超賢特地飛台灣相約「破風」，Eddie說：「踩單車係我哋共同興趣，難得導演嚟到，一定要踩個痛快！」兩人連踩兩日，首天從台北市區直踩九份，約花3個半小時完成80公里車程。導演踩到喘氣之餘，更大腿抽筋，Eddie即幫口辯護：「導演之前不斷為《紅海行動》奔波宣傳，完成後又要籌備《緊急救援》，表現已很不錯！」
潛水特訓搵命博
林超賢早前到馬來西亞參觀戶外片廠，6月再飛澳洲、墨西哥及意大利睇景，初步計劃遵照比利時、意大利、英國三套不同潛水特訓標準，望能以漸進式手法，全方位催谷演員狀態。不過，賣命不等於玩命，在特訓前各演員需接受連串體檢，合格才可上陣，Eddie本身雖有潛水牌，但由於是次為更嚴格的進階版，預計也要訓練接近兩個月。
《緊》片未開拍已備受注目，日前，內地交通運輸部副部長劉小明親自接見林超賢團隊，要求各部門全力做好電影的保障工作！
文：影視組