唐詩詠37歲牛一雪卵等生B

無綫「視后」唐詩詠昨日37歲生日，在太古城出席工銀亞洲推出全新「ICBC | LINE FRIENDS信用卡」宣傳活動，並表示會與家人食晚飯慶祝。問到可有男士約她？唐詩詠笑說：「冇，約緊啲識咗好耐嘅朋友，有男有女。（生日願望搵男友？）唔會許呢啲願望，我知道佢喺好遠、慢慢行緊過嚟，最緊要啱Timing，等佢慢慢行過嚟啦。」

戥崔建邦開心

唐詩詠直言不介意拍拖一年甚至數月就閃婚，認為這年代閃婚沒太大問題。提到與四字頭愈來愈近，問她可會考慮雪藏卵子留待日後生BB？她笑說：「可以詳細了解吓，近幾年身邊朋友都有講，當係送畀自己嘅禮物。」

最近再與「前度」洪永城傳復合，唐詩詠被問到對方可有約會慶祝生日？她笑說：「冇呀，同黃翠如成班就約緊，佢應該喺個Group裏面嘅，我唔知呀。（短訊祝賀？）都冇喎，你哋幫我鬧佢啦，哈哈。」對於另一舊愛崔建邦再有新歡，唐詩詠也戥他開心，希望是他最後一個，大個仔也要成家立室。

唐詩詠許願吹蠟燭。

擔任司儀的森美攬着大公仔，童心未泯。

盼組織家庭

至於可希望組織家庭？她笑說：「願望都想有個Family，每個女仔都希望有另一半。（想有小朋友？）我冇所謂，兩個人都可以，有人喺身邊陪住就得。（心急？）唔會，年齡係數字，我哋做呢行，遲結婚唔係大問題，要搵到個好嘅Timing先。」此外，唐詩詠好友林子萱亦透過社交網送上生日祝福，並上載了四張唐詩詠熟睡中的床照贈興！

文：影視組