歌手鄭融昨日到電台宣傳新歌《一切天空早注定》，此曲是在上海一個天台錄音室錄音，抬頭見到星星很靚，啟發出歌曲的主題靈感。鄭融指不時會與男友曬月光睇星星，冧爆說：「佢教我有三粒星星連埋一齊叫做『武士的皮帶』，之後我一見到嗰三粒星就諗起佢。（男友做過最浪漫係乜？）唔記得啦，太耐之前喇，成日浪漫就唔浪漫o架啦！」不過，她大呻男友經常欺負她：「會使我做嘢。（想訓練你做家庭主婦？）佢成日用呢樣嘢嚟威脅我，話咁樣點樣合格呀，所以我學識咗屈服。」
