毛舜筠爆老公傳浪漫短訊
影后毛舜筠與林淑敏昨午出席「維特健靈」母親節午宴，毛舜筠透露這個母親節大女不在香港，惟有「攬住細女」過：「兩個女試過一齊錄英文歌放上社交網送畀我，聽到嗰刻好冧。（冧過老公唱？）佢未唱過歌畀我聽，不過應該會各有各冧法嘅！（老公浪漫？）係區丁平式浪漫，好似金像獎嗰晚，佢只係傳咗『淡定啲』、『高興嗎？』兩個短訊畀我，對佢嚟講已經好浪漫，即係表示佢事前緊張過我，得獎後佢高興過我，但係細女就投訴爸爸喺Group Chat反應唔夠囉！」
至於曾患上乳癌的林淑敏表示已過了7年，現時每年驗身一次：「我有跑步，願望係活到80歲。（老公陪你跑步？）佢話跑10分鐘見暈、半粒鐘見嘔呀！（品牌曾邀得影后同視后胡定欣擔任代言人。）我冇壓力，唔會以得獎為目標，只會享受演戲過程，不過會視毛舜筠為學習對象。」
