早前於《平安谷之詭谷傳說》飾演龔嘉欣母親「樹根嫂」的無綫綠葉演員王綺琴，早前患腦動脈血管瘤（腦血瘤），她表示旅行時在飛機上暈倒，返港後經醫生指示下做檢查，偶然發現患病，坦言感幸運。王綺琴經過微創手術切除腦血瘤，術後休養半年，早前已復工拍攝新劇《好日子》。
王綺琴表示習慣做瑜伽以紓緩脊椎間盤突出的問題，會做不少倒立的動作，但相信不是腦血瘤的成因：「我本身係血壓偏低，所以血唔到頭容易頭暈，所以做運動同倒立對我嚟講係好嘅。（怕家人擔心？）我唔敢同佢哋講最壞係咩情況，只係話冇大礙，但到入院前一兩日始終會驚，同埋做腦手術都係要簽字同寫遺囑。依家會盡量避免喺夏天郁動好多嘅角色，亦避免焗桑拿等會令腦充血嘅活動。」