15分鐘搞掂！張兆輝被隊冧醉到瞓地
藝人張兆輝、衛蘭（Janice）和麥家琪等前晚出席品酒活動，張兆輝坦言酒量一般：「依家飲酒唔同以前，係慢慢品嘗。以前冇能力，啤酒當水飲，依家有要求，會同朋友歎靚酒，慢慢飲，一邊飲一邊坐低食嘢。」又笑說：「如果畀人隊15分鐘就醉啦，但我醉就會瞓覺。（你同曾志偉咪好似？）唔同，我唔使人抬，我係可以安穩咁返到屋企，唔會入錯門口，但入到屋企就好放鬆，試過喺地下瞓着，第二朝發現點解咁痛。 」
近來簽約成為邵氏藝人的他，透露現時正計劃拍網劇，但要時間配合，因為要陪即將去外國讀書的女兒，又講到早前因拍網劇《飛虎之潛行極戰》而傷及左腳韌帶，要休息三個月才可以踢波。
衛蘭送禮物畀小公主
此外，提到舊老闆黎明的女友Wing日前誕下小公主，Janice說：「前幾日收到風，好開心。（探佢？）唔會啦！我都好忙，不過會送嬰兒用品畀佢。」又大讚Wing很Sweet和Nice。而麥家琪講到之前參加節目《G-1格鬥會II》，因被嚇怕而不會再參加同類節目，至於母親節快到，她透露會跟媽媽慶祝，子女亦已送了禮物給她。
文：專案組