鄭伊娜閃婚否認佗B

藝人鄭伊娜、黃榕和歌手馬嘉均前晚出席舞台劇記者會，鄭伊娜透露將與拍拖不夠一年的男友潘敬祖結婚，在日本沖繩行禮，年底在港擺酒。她表示3月間與男友到日本旅行，男友帶她去一間白色教堂、有花有戒指，跪地求婚過程浪漫：「仲設計咗本嘢入面有晒我哋嘅相，我感動到唔知講啲乜。（戒指幾卡？）卡幾兩卡。」但她否認奉子成婚。馬嘉均表示劇中會着孖煙囪被黃榕色誘，要在床上錫及撫摸，黃榕說過程尷尬：「綵排試咗唔同嘅體位，最終係女上男下，係佢個身硬啲啫。」男友會睇尾場，黃榕笑言：「可能睇完會燃起佢嘅慾火。」