呂慧儀全程抱到實 阿媽唔易做
呂慧儀帶同兒子「蟹籽」出席植樹活動，親親大自然，呂慧儀辛苦地抱住「蟹籽」登山，又要慎防愛兒碌落山，認真阿媽唔易做，同場的媽咪級藝人湯盈盈也戥她辛苦！
無綫處境劇演員湯盈盈、滕麗名、呂慧儀、劉丹、袁文傑等昨晨齊齊到西貢出席《大棧西藏冬蟲夏草特約：愛
‧回家開心速遞》之「郊野公園遠足植樹日2018」活動。呂慧儀帶同囝囝「蟹籽」黃柏翹親子行山植樹，由於半小時的山路崎嶇，她要抱起「蟹籽」慎防他碌落山，只見她行得相當吃力，呂慧儀笑說：「大部分都係佢自己行嘅，都冇扭計，最尾嗰段因為泥土有啲鬆，驚佢碌落山先抱住佢，佢第一次植樹見到蜘蛛都覺得好新奇。」問她可有興趣讓「蟹籽」參與處境劇演出？她笑說：「比較難，因為佢要返學，我要拍戲、又要照顧佢，Handle唔到。」當湯盈盈看見呂慧儀要抱住兒子行山，慶幸沒有帶同兩個女兒前來：「都戥佢辛苦，咁啱兩個女跟咗嘉樂去拜山。」
湯盈盈指梁靖琪索咗
盈盈被問到好姊妹梁靖琪（Toby）與小鮮肉新歡Jon跑馬地開餐，Jon還摸Toby下巴調情，被看好好事近，盈盈避談笑說：「唔知喎，各有各忙，唔知佢咁多嘢。（見過佢個新男友？）見過佢班新朋友，Toby依家索咗，朋友搭吓膊頭、攬吓腰好平常啫。尋日有人問我會唔會恭喜佢哋結婚，唔好咁衝動住，未去到呢個階段，朋友啫！」
至於滕麗名出席植樹活動竟然穿上厚踭涼鞋，行起山路相當不便，要袁文傑扶一扶，她笑說：「事前唔知要行山，以為喺平地植樹嘛！」
文：影視組