洪卓立（Ken）和蕭潤邦（Oscar）跟陳柏宇（Jason）既是同期出道歌手，亦是多年好友，對於Jason一句「在最差嘅情況或將兩隻狗送畀朋友」，惹來網民狂插他棄養。養了兩隻狗的Ken昨日受訪時，以肯定口脗說：「Jason係唔會完全棄養o架，最多送畀朋友養一個禮拜，佢一定會攞番，只係言語上有誤會，佢兩隻狗好得意，佢兩公婆好錫啲狗o架。」
至於又養貓又養魚的Oscar同樣力撐Jason：「佢講嘢好小朋友啫，相信佢已經安排好，係好成熟嘅男人，唔使勞氣。」問他覺得狗仔與BB可否共存時？他認為要視乎狗隻的品種及主人的處理方法：「好似養魚咁，買咗條大魚可能同條細魚打交，但只要隔開佢，都可以共存喺同一個空間。」可會幫老友暫託狗狗？他說：「唔使我，我諗佢會畀家人暫養後再攞番，佢係好有情義嘅人。」