Jason與太太Leanne均愛錫寵物，不但養貓又養狗，更不時出錢出力幫助流浪貓狗。他們亦會在社交網大晒愛寵的生活點滴，分享寵愛日記。
早前Jason的愛犬Bessie耳朵出現小毛病，要入院做小手術。雖然風險不高，但Jason依然很擔心，更在社交網發文：「老虎狗落麻醉藥係點都有多少風險，我有啲擔心。」手術成功後，Jason即開心報喜。
每逢大時大節，Jason定必替愛犬vv及Bessie換上應節打扮，並親自操刀影寫真。有次Jason又笑指貓貓Kaukau甚有明星相：「我想問你有冇見過劉青雲呀？我覺得你同佢有幾分相似，一樣咁靚仔。」
坊間有指懷孕不宜養寵物，但正在佗B的Leanne直言不擔心，並在社交網上載與貓貓「同床相」：「好多朋友問我懷孕仲同啲貓貓咁Close，唔擔心咩？我擔心佢哋唔同我Close多啲。」並平反指只要驗血檢查清楚，即使懷孕也不用棄養。
有次Jason不慎把愛貓Seven獨留在家門外，Leanne即隔空力數老公不是：「你老竇竟然留低咗你喺門口，佢已經唔係一次啦！入屋之前又唔睇清楚你哋有冇走出去，就關門！如果有人捉咗你哋叫我點算」。