「七魔女」詐傻扮懵封口護航
梁靖琪與閨蜜佘詩曼、湯盈盈、文頌嫻、姚樂怡、周家蔚及鍾麗淇，組成圈中「七魔女」！眾女經常聚會，感情好到不得了，如今失婚的Toby再次墮入愛河，一班好姊妹當然戥她高興，亦識做地對其新戀情不多言，不想給她造成壓力。
姚樂怡更詐傻扮懵表示不知Toby拍拖，她說：「咁佢依家單身，梗係好多唔同男、女朋友約佢啦！（翹住男仔手臂撐枱腳喎？）單獨？真係？（佢有冇透露再婚打算？）又冇喎！（見Toby呢排個樣特別甜？）佢成日都好開心啦！（如果好姊妹再婚都支持？）到時係先再答你！」而盈盈對於Toby欲再婚一事，表示不作回應。