美國真人騷女王Kim Kardashian前日在App留言，宣布與姊妹Kourtney及Khloe夾份開的時裝店DASH全線結業！Kim留言解釋：「我哋好鍾意經營DASH，但過去幾年我哋單獨發展，忙於打理自己品牌之餘，又要同時做媽媽兼顧屋企。我哋打從心底知道，係時候要繼續向前行。」
雖然Kim聲稱是因與姊妹太忙而打理唔到時裝店，但有傳媒就指其實係因為洛杉磯總店蝕錢才決定結束營業。原本DASH在洛杉磯、紐約及邁阿密擁有四間分店，但紐約分店於2016年因租金太昂貴而率先執笠，如今洛杉磯兩間及邁阿密一間分店亦最終「捱唔住」要全線結業。