可宜唔郁即變公仔
有線前娛樂主播可宜（Natalie）是中英混血兒，五官標致的她自小經常被途人誤以為是「公仔」，她笑說：「媽咪推我出街，我坐喺手推車度，有路人摸我，仲同我阿媽講：『原來係真(o架)？』我媽話：『梗係真(o架)啦！唔通我推個假BB出街咩？』」直至Natalie七、八歲時，仍會遇到這種情況：「有次喺百貨公司廁所門口等爸爸，隔籬有間舖頭有啲假公仔，突然有個男人行埋嚟望我，我又望佢，我驚到揈手上個袋，爸爸出嚟，佢就同我爸爸講以為我係公仔！」
Natalie又笑言媽咪和她外出有着數：「原本嗰度唔畀試衫，個售貨員想見多我幾面，就叫我媽係咁試衫，佢就係咁同我玩。」有次跟家人遊船河，性格古靈精怪的Natalie更全裸曬日光浴，豈料被家人拍下照片，她即對鏡頭笑，非常可愛！原來Natalie試過跟影帝吳鎮宇合作：「細個入TVB孖住吳鎮宇拍《K100》，媽咪當時識得個姐姐做PA，啲藝人要搵親戚嘅小朋友拍啲BB嘢，吳鎮宇冇親戚有BB，咁PA姐姐就叫咗我去，我記得有雪糕食同埋要着三點式。」
