林凱恩同粉絲網交

藝人林凱恩日前首次舉行粉絲見面會，吸引近30名粉絲出席，她笑言起初以為會冇人出席：「因為我哋舉行嘅地方係一間Party Room，起初佢哋唔畀我上去住，我以為冇人嚟，但原來佢哋畀個驚喜我，布置間房。我一打開門見到覺得好感動，仲好想喊！」

林凱恩除與粉絲玩遊戲外，粉絲更很有心思剪輯一條短片，她說：「嗰條片係有我入行咁多年參與節目同埋劇集嘅片段，真係覺得佢哋好好。（新面孔加入？）係呀，感覺好似同網友見面，因為平時我哋都靠社交網聯繫感情。」另外，林凱恩坦言今次媽媽亦有同行，希望了解更多其工作及想認識粉絲。