Supper Moment出碟畀人鬧
樂隊Supper Moment昨日到電台宣傳新碟，開心表示新碟反應很好：「除咗銷量好之外，網上好多人對我哋啲歌有長嘅解讀，逐首歌解構，多謝佢哋咁有心思欣賞。」他們透露新碟有hidden track（隱藏曲目），笑言只得CD機才有這個享受，又指今次有把舊專輯再加印發行，笑言新碟奪得銷量排行榜第一位，連帶舊碟都打入榜內其他位置。問到是否特地構思這個策略？他們坦言：「唔係，完全冇諗過，係因為畀人鬧咗3、4年，所以一次過推出晒。」
另外，Supper Moment表示剛在港完成3場大學School Tour及內地3場巡演，5月會在內地完成8站的巡演。