朱晨麗夾硬磨大髀內側受創
朱晨麗昨日為劇集宣傳，提到終於播出跳鋼管舞的場面，以性感舞衣亮相甚有睇頭，她指拍攝時周身傷，除了手腳瘀傷，因要夾住鋼管，連大髀內側也磨到起水泡。
無綫藝員袁偉豪、唐詩詠、朱晨麗、趙希洛、范文雅與監製葉鎮輝昨日在中環為新劇《棟仁的時光》派咖啡宣傳。
對於在劇中大跳性感鋼管舞的場面已播出，朱晨麗受訪時笑說：「好期待，係健康性感，唔係暴露，拍嗰陣練咗好耐，好想睇出嚟嘅效果。」她為跳舞戲搞到周身傷，除了瘀傷，還因用美腿夾實鋼管旋轉，連大髀內側也起了水泡：「我跳開舞以為易上手，但係初期上極都上唔到鋼管，好有挫折感，惟有練多啲，瘀多幾次，就唔會Feel到瘀痛嘅感覺。」笑問是否因皮膚太白滑而從鋼管跣下？她笑說：「哈哈！多謝！唔係！因為跳嗰陣會出汗，所以令到鋼管好跣啫！」
唐詩詠驚冇人追
而唐詩詠對被指與洪永城再傳翻撻，她坦言對這種新聞已經覺得沒有特別，反而擔心冇人追，她笑說：「多謝大家關心，如果再寫，真係唔會有人夠膽追我！真係冇諗過，其實好難會發生，比開始一段新嘅戀情更加難。」對於另一舊愛崔建邦又有新歡，她笑謂已祝福了他很多次，祝福直到永遠的，希望他搵到最後一個！
趙希洛晒事業線
提到袁偉豪在劇中不小心錫了范文雅一啖，唐詩詠笑說：「佢扮唔小心啫，男仔個個都係借啲意。」莫非你都試過？她笑說：「梗有呢啲蠱惑人，咪借啲意畀佢錫囉！當然係追求緊、鍾意嘅，其實都Sweet，唔鍾意當然直接拒絕。」袁偉豪爸爸患上癌症，對於女友張寶兒被拍得扮花氹他開心，他說：「OK嘅，我比較內斂，唔需要樣樣嘢講出嚟。」此外，前晚劇集播出趙希洛大晒三吋事業線在房中色誘秦啟維傾約，相當香艷！
文：影視組