新婚不久的雨僑前晚拋低老公羅力威，到南非拍奇妙電視節目《尋找高端美食》，未有打防疫針的她說：「因為要早一個月注射，跟之前婚期撞上，怕有發燒等副作用，所以冇打。（今次找尋美食？）要買鮑魚畀老公羅力威『贖罪』，因為新婚嗰晚開錯咗佢最貴、千幾蚊嘅鮑魚食，希望今次買番隻差唔多價錢嘅鮑魚送番畀佢。（買鑽戒？）佢叫我唔好帶咁多現金。（碌佢張卡？）咁我都係帶自己卡，不過真係拍足全程，未必有時間購物。（怕唔怕肥好多？）唔理喇！要Enjoy美食先拍到。」
