爆老婆玩手機唔願瞓陳柏宇預演湊B

歌手陳柏宇（Jason）昨日到上水舉行簽唱會，與粉絲大玩模仿湊B的遊戲。受訪時，他透露會請陪月，亦打算逼太太符曉薇一起上堂學湊B，並說：「佢話佢瞓唔着，梗係啦！晚晚攞住電話喺度玩遊戲，佢都慣晒啦！但佢朝早又瞓得番，最緊要心情舒服放鬆。」他指BB很健康，因此太太可以照常工作，不需要過分保護。
準爸爸陳柏宇於簽唱會上玩湊B遊戲。
準爸爸陳柏宇於簽唱會上玩湊B遊戲。

問到女兒出世前可會爭取時間兩公婆去旅行？Jason笑言不需要二人世界，待女兒5、6歲時才去也可以：「我唔係要長期攬住BB唔畀人照顧，反而想多啲人照顧佢同教佢。」改名方面，Jason表示英文名會自己改，中文名就請師傅改。

陳柏宇獲大批粉絲逼滿商場支持。
  • 陳柏宇獲大批粉絲逼滿商場支持。