龐景峰捨萬千寵愛靠真功夫打拚

藝人龐景峰（Andrew）早前為李逸朗自導自演的電影客串，他到內地拍攝了五日，飾演拳賽中其中一名參加者，要與奸角對打。雖然這是一套搞笑武打片，但也不乏高難度及危險動作，他說：「喺戲內我要同個高手比賽，我哋喺一個布滿刺嘅鐵籠入面打，如果撞到啲刺就一定會受傷，加上我哋唔係普通對打，要做啲凌空打斛斗嘅動作。」
龐景峰（右）早前客串李逸朗自導自演的電影。
龐景峰（右）早前客串李逸朗自導自演的電影。

Andrew笑指團隊中大部分是男生，輕易打成一片：「成班男人變晒細路仔咁，大家嘅創意特別豐富，我要喺戲中表現到好牙擦咁，所以個髮型要中間分界，又要戙起隻腳。」由於Andrew在團隊中，是年紀最輕的一位動作演員，問到大家是否錫住他，他揚言不要：「我兩歲開始練拳，我唔畀佢哋讓我，唔想佢哋錫住我！跳樓、射槍、飛車我都已經好習慣，做呢啲會好興奮。」

龐景峰在戲中要應付不少動作場面。
  • 龐景峰在戲中要應付不少動作場面。