譚詠怡愛犬恃萌行兇出街變鵪鶉

藝人譚詠怡(Victoria)向來熱愛小動物,早前飼養了只得1歲的萌爆狗狗「曲奇餅」,她透露愛犬名字由來:「呢個名係朋友幫手諗嘅,因為見佢生得好細粒,好似個波咁,而且成身啡色毛毛,所以叫佢做曲奇餅。佢都好滿意呢個名,每次嗌佢都有反應,仲表現得好雀躍。」

雖然「曲奇餅」長得嬌小可愛,但Victoria卻大爆牠性格霸道,稍有不滿就會出聲「鬧人」,果然狗亦不可以貌相!她笑言:「曲奇餅平時意見多多,事無大小總之唔啱佢心水就會係咁吠,好似鬧緊人咁勁惡死,所以我成日都笑佢先係我主人。雖然佢喺屋企橫行霸道,但佢好驚陌生人,一出街就會變鵪鶉,無時無刻黐住我,又會撒嬌要我抱。」