邵珮詩遊布吉34D水着騷

邵珮詩早前與媽媽到泰國布吉旅行，更在當地報了一日團四出遊覽，但使費不多，皆因有個精明、叻講價的媽媽在身邊：「媽咪講價講得好勁，所以成個行程唔係用咗好多錢，主要都係機票同酒店。」

沙灘識到Friend

Veronica本打算在酒店報團，不過在海灘購物時見到有旅行社擺檔，就與職員一拍即合，之後更成為好友：「我哋去咗第二個海灘Shopping嘅時候，見到旅行社啲攤檔擺檔，就同其中一個擺檔嘅人傾吓，大家一路都好啱傾，之後就決定幫襯佢Book晒啲團，仲要同個旅行社姐姐做埋朋友，佢超級幫到手，好好人！」

面對泰國布吉的陽光與海灘，Veronica做足準備，帶備多套靚泳衣留倩影，大晒34D噴血身材！並由媽媽親自操刀，她說：「今次想影番啲靚水着相，事關呢啲地方去一次都好夠，所以事前就買定兩、三套三點式，過去可以着，喺香港真係冇乜機會着呢啲咁彩色嘅三點式，總之成個Trip好Enjoy，天氣好食嘢又平！」

邵珮詩在沙灘晒34D胸器，超級噴血！	邵珮詩媽咪的手筆，有Feel！	沙灘上識到新朋友。

溫哥華拾開心回憶

布吉之旅後，一個「華麗轉身」，Veronica飛返成長之地加拿大溫哥華，因中學同學驚喜接機，令她感動不已：「成3年冇返過溫哥華，今次係探屋企人同埋做訪問。我比媽咪早一班機到埗，所以中學同學接完我機之後，我哋就喺停車場傾偈，啲回憶返晒嚟，覺得個人好似大個咗。上次同自己講要有少少成就返去，而呢3年我都有主持節目同埋拍《愛．回家之開心速遞》，總算有自己嘅作品。」

坐「篤篤」四圍遊，擺明係遊客。	放大圖片	點少得在佛像前留影。

深入虎穴大膽摸虎肚

短短幾日的行程，Veronica有去睇老虎，更與老虎近距離接觸玩樂，她說：「有得揀細、中、大嘅老虎，三種都唔同價錢，咁我哋揀咗隻中號嘅，去睇老虎之前工作人員會詳細講解一次，佢哋教唔好喺老虎面前行過，要喺佢後面兜路行，因為如果係老虎面前行，佢會以為你同佢玩，同時唔好掂佢隻爪，入到個籠會有個訓練員喺隔籬睇住。媽咪屬狗，佢趴喺隻老虎度，佢用咗條尾揈咗一下就走咗，到我同老虎玩嗰陣，佢翻轉個Body，好似要我摸佢個肚仔咁，好搞笑！」之後Veronica又去睇猴子，笑言被牠們嚇壞：「佢哋真係好大膽，會搶嘢食！其實每日有好多遊客餵香蕉畀佢哋食，所以佢哋食到好肥。」

中學同學前來接機，令邵珮詩（左）十分驚喜。	放大圖片	邵珮詩返抵溫哥華，變回開心少女。

#

Veronica入虎穴，同隻老虎Friend到挨住坐。

去睇猴子，邵珮詩笑言隻隻都好肥。