江欣燕減肥「回春」騷少女身段

藝人江欣燕、林夏薇、姜大偉（John）及翟威廉等昨日出席無綫劇集《逆緣》宣傳活動，眾人分成兩組，與一班小學生玩遊戲，惟薇薇帶隊玩類似二人三足遊戲時，一起步已告失手，落後John等人數個身位，雖然後來離開木板走路，但仍然敗給John的隊伍。

江欣燕於劇中飾演黎耀祥的太太，昨日以露肩裝示人，非常青春。她透露拍攝該劇前花了五個月時間減肥，戒糖、戒酒及澱粉質，結果回復106磅少女身段：「連平時啲鬼祟肉都瘦埋，胸係最後，瘦咗少少啫。呢個減肥法係妹妹發現先，依家想感染埋媽咪，等佢身體健康啲。」

至於薇薇被取笑零運動細胞，她笑稱：「John哥寶刀未老，佢大俠嚟o架嘛！」並指正調理身體，為生小朋友做好準備：「大家仲急過我，搞到我媽咪都話『其實都可以湊吓孫』，我依家好有壓力。」

文：影視組