古巨基最後一擊碌人情卡
歌手古巨基前晚錄影無綫節目《流行經典50年》，已擔任8集嘉賓主持的他，最後一集特別請來好友關心妍和森美撐場。基仔坦言為《流》當主持很過癮：「好好玩，班好朋友會為我唱《忍着淚說Goodbye》，好唔捨得，但為咗準備演唱會，冇辦法啦！要開始閉關，之後再返嚟玩！」提到演唱會兩度加場，門票昨日公開發售，而「黃牛黨」猖獗，基仔說：「我都叫咗啲Fans唔好買，依家加場等市場多啲飛，希望有實名制啦！」
同場的主持薛家燕，最近忙於籌備兒子石耀庭的婚事，有報道指她豪花4,000萬娶新抱，她說：「唔好講咁多錢，係送咗啲禮！會分兩晚擺酒，合共800名賓客，又安排樂隊。（搵黎小田幫手？）係婚禮統籌安排。（世姪結婚幫吓手？）佢啲朋友講笑話小田要敬酒，我話唔關佢事！（新奶奶有靚靚造型？）揀衫唔可以太誇。（有幾套衫？）我都換5套，新抱同阿仔都換5套！」