激情戲惹馬國明妒忌 郭晉安呻：Cut晒啦！
無綫新劇《白色強人》演員郭晉安、馬國明、唐詩詠、李佳芯、何廣沛與張曦雯等昨日出席拜神活動，馬國明今次扮演心胸肺科醫生，但原來最想做的是婦科醫生，他笑說：「多啲靚女睇吖嘛！今次劇入面都好多靚女，好似李佳芯、張曦雯。監製每人分配兩個靚女，郭晉安就同唐詩詠、張曦雯，戲入面仲幾激情，全套劇最濃情係佢哋。」李佳芯則表示小時候曾因切傷手指見血而休克暈倒，問到拍攝手術場面可有暈低？她笑說：「我發現係驚自己嘅血，唔驚見到其他人嘅血。」
搵張曦雯惡補英文
郭晉安與張曦雯雙雙受訪時講到馬國明指兩人有激情戲，安仔笑說：「冇啦！Cut晒啦！留番電影版先。其實冇嘅，戲入面感情戲係唔露骨，好理性嘅，可能馬國明妒忌我先咁講啦！哈哈。」他在劇中有不少手術場面，問到可會怕血？他笑說：「唔驚！嘔都嘔咗幾桶啦！今次對白好多，仲多過以前演律師，都要喺屋企背定，驚累大家收唔到工。」張曦雯則透露好彩有安仔教中文：「佢問番我英文，咁我都冇咁唔好意思。」
文：影視組