胡琳出碟攞頭彩

「靚聲歌手」胡琳剛推出新專輯，出碟第一日她到唱片店自掏腰包買碟拎個好意頭，期間巧遇兩個粉絲買碟支持，更向她攞簽名及合照，男粉絲更搞笑說：「我真係好幸運呀！要買六合彩。」胡琳透露新專輯收錄了多首自己創作的歌曲，問她可會買碟送給親友？她說：「會叫朋友支持，我覺得無論出碟定開演唱會，最緊要係自己鍾意聽先好嚟買或者嚟聽，唔好為咗撐場而逼啲朋友聽唔鍾意嘅嘢，咁好冇道德！呢啲嘢我係唔會做，哈哈！希望鍾意我嘅人會自行嚟撐，我都撐咗自己，拎個好意頭，攞番個頭彩啦！」