小塵埃戶外騷歎冷氣

組合小塵埃昨日到銅鑼灣出席戶外音樂會,為現場粉絲送上多首歌曲,更有合唱環節。小塵埃指難得有一個完善空間讓歌手演唱:「好鍾意咁近距離同粉絲接觸,台上仲有分體式冷氣機添,喺台上面唱歌好舒服,同埋係清明節,相信有好多孝子喺今朝已經盡咗孝道,會有時間過嚟聽歌。」他們笑言戶外演唱可感受到大家體溫,又指可以吸引途人駐足欣賞,有Busking的感覺。

同場的Merry Lamb Lamb表示非常開心,可重遊舊地在就讀的中學附近演出,又指享受戶外表演:「平時喺室內唱多,希望遲啲有機會去唔同地方,例如校園演唱。」