美國諧星Tiffany Haddish最近接受雜誌訪問，大爆流行樂壇天后好友Beyonce去年12月出席老公Jay Z個唱慶功派對時，遭一名疑似吸毒的女演員咬面！一眾Fans都在社交網瘋狂洗版，齊齊「緝兇」！
Tiffany受訪時透露該名「行兇」的女演員整晚在慶功派對做出各種瘋狂行為，其中最令人難以相信的就是咬Beyonce塊面，懷疑她因吸毒後情緒高漲而施襲！事發後，Beyonce嬲到立即彈開並向老公Jay Z投訴，二人其後行埋貴賓房的另一邊。
據Tiffany透露，該名女演員不單未有向Beyonce道歉，更企圖叫Tiffany不要跳舞，Tiffany之後再見到Beyonce時上前慰問：「佢真係咬你？佢今晚會畀人打！」雖然無端端被咬，險些破相，但Beyonce非常有氣量，叫Tiffany作罷並齊齊自拍：「Tiffany，唔好呀，唔好咁做。個八婆係吸咗毒，冇飲醉，佢平時唔係咁，放鬆吓啦！」有知情者事後指該女演員「那一口」並非帶有攻擊性，純粹是開玩笑。有傳媒爆料指女星Sanaa Lathan嫌疑最大，但她已在社交網留言否認是「真兇」。
Beyonce被咬事件曝光後，一眾網友即時在社交網發起「#WhoBitBeyonce（邊個咬Beyonce）」的hashtag，務求揪出「真兇」！「真兇」身份惹來網友揣測，有網友留言：「我落重注係珍妮花羅倫絲（Jennifer Lawrence）！佢係最衰嘅，荷里活圈中人都知道！」模特兒女星Chrissy Teigen亦留言「抽水」，故弄玄虛，自言知情但不可以踢爆，之後卻留言聲稱估錯：「我最初嘅猜測係錯。真兇係邊個？我永遠都估唔到係佢。我實在講得太多。」
文：外娛組