對親家要講緣分諸葛爆囝囝愛金髮妹
名媛諸葛紫岐（Marie）昨日出席觀塘apm舉行的「apm彩蛋藝術館隆重登場暨LINE FRIENDS強勢進駐apm」活動，與新鴻基地產（中國）執行董事馮秀炎結伴主持揭幕禮。早前右腳患上骨膜炎的Marie昨日穿上波鞋亮相，她說：「奶奶好好，帶我去睇物理治療，好開心，佢好錫我。」
約城城囡囡玩
期間問到Marie喜歡哪位天王巨星，她表示喜歡郭富城，Marie的兒子薛華韜已4歲，被問到會否與已有一名囡囡的城城「對親家」，Marie說：「呢啲嘢要睇小朋友意願，同埋睇囝囝嘅緣分。（對新抱有咩要求？）對我好，唔好激我，唔好同我嘈，尊重老人家好緊要，要心地好。城城好好，可以遲啲一齊玩、見吓面。（留家傳之寶畀囝囝？）都會留番畀佢，希望會有個女，如果唔係都係留畀新抱，最緊要都係開心、孝順、心地善良同對人好。」
不過，Marie爆囝囝喜歡混血兒，一見到便會行埋去，她說：「佢鍾意金髮女仔，不過老爺奶奶比較傳統，鍾意中國人。遲啲小朋友大啲，到時我就可能Open（開放）啲。」
文：專案組