千語冇司機接載 名牌袋變紙袋

甩拖的吳千語已搬離與林峯昔日位於薄扶林的豪宅愛巢，經常不在港的她為免捱貴租，最近搬進月租約萬多元、位於堅尼地城的一個屋苑，雖然環境不及以前，但似乎住開薄扶林對附近都有感情，其新居亦鄰近昔日愛巢。

日前下午，戴黑超的千語獨自現身屋苑對面的油站等的士，打扮Casual，過往挽着的名牌手袋換上紙袋，平日行開名店的她，與昔日貴氣打扮明顯大不同，登上的士後更直駛至黃竹坑工廠區，落車後急急腳步入該處一幢商廈。

至於林峯昨晚出席品牌活動時，面對感情問題，他以工作為由封口，只說：「依家工作為主，生活好充實，上次交代埋之後我就唔再講感情嘢，一條心淨係對工作。（寄情工作療情傷？）我不嬲都係工作狂。」

吳千語租住新居，鄰近昔日愛巢。	放大圖片	林峯一再被問感情事，表明只想談工作。

林峯自認專業不怕碰頭

問是否不再高調講愛？林峯即大呼求饒：「真係唔講嘢，放過我喇！（千語話同你唔係朋友喎！）已經交代過一次就唔再講。（如果工作遇到會避？）作為專業演員，我希望可以喺工作上有啲挑戰，同埋畀到大家驚喜。（遇到千語係大挑戰？）我指喺角色上。」

吳千語近日出入以的士代步。

放大圖片

文、攝：追蹤組