張敬軒十郎上身打擊黃牛
歌手張敬軒（軒仔）將於6月15至17日在紅館舉行《HINSIDEOUT張敬軒演唱會》，門票前日公開發售即掀搶飛潮，一票難求！愛錫粉絲的軒仔決定順應民意，宣布加開6月18日一場。向來花臣多多的他更為加場拍了短片，大玩二次創作，翻拍多年前鄧梓峰（十郎）的郊遊宣傳廣告。軒仔連拍攝角度及服飾都跟足原著，因十郎向來被指似卡通人物巴斯光年，搞笑的他特地穿上巴斯光年T恤。
自稱「將莖牽」
軒仔在片中更抵死自稱「將莖牽」，又大玩諧音：「你敢認『恨加場』，我『將莖牽』實幫到。」亦謂要「打」擊掠水的黃牛，之後續稱：「你哋一個二個就『恨加場』，我就搏命唱！唱咪唱！Yeah！」
而最驚喜的是片尾，真正的十郎粉墨登場，他睇完片段哈哈大笑說：「咩廣告嚟o架，仲有人用呢啲電話嘅！」而加開場次屬音樂平台的特別場，該平台的白金會員可於4月12日起優先訂票。
文：音樂組