霆鋒自嘲唱歌冇天分入廚修行
謝霆鋒自家製作的《鋒味》將在ViuTV播出，帶領星級嘉賓Chok住煮勻全世界，更特別為香港觀眾拍攝一個「鋒味前奏」，在節目中大爆鮮為人知的秘密，除了自嘲沒有唱歌天分，又形容在廚房是一種修行。
「型男廚神」謝霆鋒主理的十二輯《鋒味》在網上熱播，該節目主題以霆鋒的獨特角度出發，親身挑戰和體驗不同地區的人與事。每集主廚Chef Nic（霆鋒英文名Nicholas）會帶領兩名鋒廚，挑戰世界各地名廚，利用當地獨有的食材，進行世界級的廚藝交流比賽。他更偕一班星級好友同行，包括紅遍亞洲的韓團男神GOT7成員Jackson、Twins、容祖兒、王祖藍、小S（徐熙娣）、李治廷、馮德倫、霍汶希等，見證霆鋒煮勻世界美食。
「做戲講緣分」
《鋒味》將於本周末（31日）在ViuTV99台首播，霆鋒特地為香港觀眾拍攝「鋒味前奏」，由廚藝零經驗的火火擔任主持，與霆鋒一邊煮餸一邊做訪問。霆鋒又親自教授火火獨門的廚藝技巧，聯手炮製出一道又一道的菜式，將平凡的菜式變得不平凡，令火火獲益良多，火火更毫不避嫌訪問Chef Nic一些鮮為人知的秘聞。
霆鋒被火火問到唱歌、演戲、煮食哪樣最難？霆鋒竟自爆沒有唱歌天分：「真心講我覺得唱歌最難，其實我係冇咁嘅條件，所以我好努力去學好多音樂上嘅嘢，無論拍子或歌詞。我喺廚房唔需要花咁多氣力就會OK，我覺得做戲都可以，因為拍戲可以有Take 2，相對喺音樂上我最冇天分。」身為影帝的他是否在演戲時充滿自信？他說：「唔係，做戲係好講緣分，因為要睇導演、團隊、劇本同對手等，唔係淨係我自己，音樂就個人少少。」
霆鋒表示一個好的廚師最重要是細心，要有耐性慢慢研究：「煮嘢食訓練到我好多嘢，我喺廚房係一種修行。」他承認以前個性急、脾氣大：「但喺廚房練到，（食物）未熟就未熟，急乜鬼。」但他不覺得現在的自己冇「火」，他的「火」更集中過以前：「如果以前唱《活着Viva》時係紅色嘅火，我覺得依家係藍色嘅火。」他希望到60歲時，心中團火都不會熄，否則做人就沒意義。
做人要有夢想
霆鋒認為廚房是一個好易熟悉的地方：「帶畀我好多嘢，我透過廚房同屋企人個關係好咗好多，我以前同爹哋媽咪冇乜溝通，但依家廚房變咗我哋溝通嘅最好橋樑。」
今次他製作《鋒味》，是想藉飲食節目帶出做人要有夢想的訊息：「好多人玩電腦、手機可以唔出房，大家真係要嘗試搵一個平台同家人、朋友分享多啲，其實收穫係大好多。」
《鋒味》
播出頻道：ViuTV99台
播出日期︰2018年3月31日起
逢星期六晚9時30分至10時45分
文：音樂組