JW腸胃炎瘦7磅
歌手JW（王灝兒）和關楚耀（Kelvin）昨日在銅鑼灣出席音樂活動，日前在壽司店「食錯嘢」又屙又嘔的JW堅持抱病獻唱，獲Fans大合唱支持。JW表示有睇醫生打針，休息後已經好了很多：「醫生話我腸胃炎，呢幾日都食唔到嘢。」談及一同「出事」的男友Tarzan，JW笑言他不藥而愈：「但我同佢都一齊瘦咗7磅。（男友瘦咗7磅咪靚仔咗？）佢係唔係都咁靚仔！」
問到會否追究該壽司店？JW苦笑稱有同醫生講，以及叫朋友不要幫襯：「醫生話會同衞生署講，但就話如果唔係有好多人有事，都做唔到啲咩。」Kelvin則透露5月底於旺角麥花臣舉行音樂會，最近不斷健身操弗，目標是兩個月內增10磅。