子華嬲爆:係咪應該報警

「男神」黃子華的棟篤笑將於七月舉行,信用卡優先預訂昨日開始。有讀者指昨晨未夠九點開始,多次嘗試登入銀行網站作預先訂購,一直未能登入,但發現有其他網站早上已有子華的門票出售,價錢更比原價貴,由千一至萬五多港元不等。

黃子華昨於facebook上載兩條片,對有網站炒飛一事感到憤怒,更一度想報警:「我個團隊今朝話喺網上有飛賣,問埋對方,佢哋話『係有內部渠道』,各位,佢哋話有飛炒黃牛,我同我嘅團隊今日為止都冇飛,佢哋已經有飛,我覺得係咪應該報警或者報ICAC呢?(啲飛)係點樣得嚟?個問題係我哋冇任何證據亦都冇任何線索可以去舉報。」

加推場次

子華續稱:「依家黃牛最大問題,係根據現有法例,唔係完全犯法,我喺度正式同政府提出,大家係咪時候正視呢樣嘢?!」他更指有人覺得他有份放黃牛票,這令他感到委屈及激動,他絕不想一些長期支持自己的Fans去承受炒黃牛的價錢,故他呼籲Fans不要買黃牛飛,寧願出現吉位,都不想黃牛黨得逞!而子華原本額外有兩日預備天氣惡劣要取消場次時留來補場,但現在也推出來;而門票於四月廿四日公開發售,亦定了每人限買四張,以杜絕黃牛。