歌手胡鴻鈞明日28歲牛一，昨日獲約200名歌迷舉行生日會提早慶祝，眾人伴唱生日歌又與偶像影大合照。老闆何哲圖上台送花及簽名布，還與壽星攬攬，胡鴻鈞作狀O嘴扮驚喜。台上，胡鴻鈞指第一次有這麼多歌迷陪慶生，部分更從星馬及內地來港，令他大為感動。問到是否收到好多禮物？他說：「見佢哋枱底收埋好多，其實叫過佢哋唔好送禮，淨係想生日會開心就夠。今次見到好多新面孔，小至兩歲，有啲已經做咗媽咪！」

提到何哲圖台上指他頑皮，胡鴻鈞笑成日在正經場合唔正經：「好似頭先老闆講嘢，我都有反應！其實係自己同自己講嘢，希望呢種性格帶畀大家娛樂。（歌迷鍾意你唔正經？）太正經會悶。」至於生日是否與好友許廷鏗度過？他說：「到時我會開Live，大家就知！咁易畀你估到咩！」