歌手林二汶昨日到電台宣傳新歌《Yeah》，她形容是自己史上最難背歌詞的歌，又展示只得表情符號的歌詞紙，指大家常用Emoji（表情符號）隱藏感覺。問到二汶多隱藏脾氣嗎？她說一時時：「我好心急，啲嘢慢咗我會好忟。（身邊咩人最易激親你？）我阿媽，佢成日攞好大樽嘢飲畀我，我驚佢筋骨損傷，叫佢拉車或者等我攞，但話極都唔聽！」她笑言用得最多的Emoji是反眼和瞇眼笑，但很少發脾氣，不想影響工作。
