蔡楓華點名睇李思捷上身

蔡楓華表示首部參演的電視劇是《青春三重奏》，當年更主唱主題曲《倩影》，憑此劇初嘗走紅的滋味：「成街啲女仔都嗌我阮Sir（劇中角色）！」

李龍基冇後生女埋身

提到藝人李思捷經常在節目模仿他，又揶揄他常把梅艷芳、張國榮和陳百強的名字掛在嘴邊，蔡楓華說：「一啲都唔嬲，梅艷芳、張國榮、陳百強同我係差不多同時期嘅好朋友，大家一齊去跳舞、去玩、飲酒、傾偈。」又明言想與李思捷合作：「佢咁鍾意扮我，都想睇吓佢點扮我。」

李龍基則回想在劇集《鍾無艷》飾演好色皇帝，合作對象是當年的當紅花旦鄭裕玲和陳秀珠，又笑言在新劇《宮心計2深宮計》同樣飾演皇帝，但就辛苦得多：「呢個皇帝唔同，後生女演員完全埋唔到我身，真淒涼！」

蔡楓華（圖）唔會嬲李思捷成日扮佢。	李龍基與蔣嘉瑩將合體開騷，在節目中大談演藝趣事。	李思捷

蔣嘉瑩爆霆鋒最貪靚

至於蔣嘉瑩憑亞視劇集《我和殭屍有個約會II》主題曲《假如真的再有約會》為人熟悉，她坦言不介意被指是「一碟歌手」。提到昔日緋聞男友謝霆鋒，她大爆：「霆鋒覺得自己好靚仔，成班朋友最貪靚係佢！」

文：專案組

場地：SOUND LAB

https://goo.gl/uzZJNb