梁靖琪挑戰食蟲吸取蛋白質
藝人梁靖琪（Toby）與朱鑑然昨日現身探索運動記者會，兩人表示會到內地的莫干山參與探索運動，Toby說：「我哋兩個都好鍾意運動，今次可以上山下海，仲會挑戰食蟲。我個健身教練話盡量吸收多啲蛋白質，奶粉都唔夠，要食蟲，當然啲蟲係有專人培養。」
提到Toby早前在社交網上載攬着由玫瑰花砌成的熊仔照片，問她是否拍拖？她避而不談：「成日都話我拍拖，順其自然，感情事唔想講咁多，好享受自己嘅生活。（你嘅另一半係健身教練？）唔係，我好多健身嘅朋友，人生最重要係搵到一個伴侶同你做鍾意嘅事。」